Ninive isch d Hauptschdadt vom Neuassyrische Riich gsi.
Ninive isch uf em lingge Ufer vom Tigris gläge, gegenüber vom hütige Mosul. Es isch us Inschrifte siit em dritte Johrduusig vor dr Ziitwändi bekannt, het aber politisch ä chliini Rolle gschbilt bis es währed em Neuassyrische Riich zur Hauptschdadt vo Assyrie wrden isch. Underem König Sanherib (705-681) isch es eini vo de wichdigschde Schdedt im Middlere Oschde gsi, mit erä dobblete Schdadtmuure, emä achzig Kilometer lange Wasserkanal und brächtige Baläscht. Dr Assurbanipal (669-626) het se no meh uusbaut. Aber sch churz druf, im Johr 612 vor dr Ziitwändi, isch Ninive vo de Meder und Babylonier zerschdört worde.
Änglischi Archäologe hai Ninive siit dr Middi vom 19. Johrhundert usgrabt. D Schdadt het d Form vom enä unregelmässige Vieregg gha. Uf zwei Hügel näbem Fluss si Tämpel baut gsi und d Paläscht vom Sanherib und em Assurbanipal, wo berüehmt si wägen ihre Relief.
Шаблон:Dtv-lexikon, Band 13, S.140