Dr Niger isch noch em Nil un em Kongo mit 4.184 Kilometer Lengi dr drittlengscht Strom z Afrika. Är fließt in eme fascht 2000 km große Halbchrais dur fimf Staate: noch em Ursprung in dr Bärg vu Guinea stremt er dur Mali, dr Side vu Niger, an dr Gränz vu Benin lang un schließli dur Nigeria, wun er in eme iber 200 km braite Delta in dr Golf vu Guinea mindet.
Fascht alli vu dr 110 Millione Mänsche, wu diräkt am Fluss wohne, wäre vum Niger mit Wasser versorgt. Syy Yyzugsbiet umfasst wyteri 4-5 Staate un rund 2,5 Millione km². Doderby isch aber d Zueornig vu dr Wieschteflechine uusicher.
Dr Niger entspringt in dr Bärg im Side vum Staat Guinea, in dr Nechi vu dr Gränz zue Sierra Leone. Är fließt in eme Boge no Nordoschte un bildet z Mali d Massina. Derno chehrt er uf Timbuktu, wun er d Sahara straift un in Richtig Sidoschte wyterfließt. Är goht dur dr Staat Niger, d Hauptstadt Niamey vu däm isch an syyne Staade böue. Im wytere Verlauf bildet er dailwys d Gränz zue Benin, wu im Dreiländereck vu dr Staate Niger, Burkina Faso un Benin dr W-Nationalpark an eme W-fermige Rank vum Fluss lyt. Vu dert uus fließt er wyter uf Nigeria. Nodäm der dr Kainji-Stausee verlosst, durfließt er dr weschtlig Dail vu Nigeria, nimmt dr link Näbefluss Benue uf un mindet schließlig in Form vun eme große Delta in dr Golf vu Guinea, du Dail vum Sidatlantik isch. Dodermit durquert er Bärg, Rägewald, Savanne un Wieschti.
An dr Mindig vum Niger fließe im Johresdurschnitt rund 6.000 m³/s in dr Atlantik. Syy Lengi wird mit 4.184 4.184 km aagee, syy Yyzugsbiet mit 2.261.763 km². Dr Hauptzuefluss vum Niger isch dr Benue.
Dr uutypisch Flusslauf vum Niger het europäische Forscher iber zwai Johrdöuesrt Retsel ufgee. In dr Antike sin remischi Geografe dervu uusgange, dass dr Fluss in dr Nechi vu Timbuktu Dail vum Nil sei, im 17. Johrhundert sin europäischi Entdecker degege dervu iberzygt gsii, dass dr Fluss no Weschte fließe un in dr Senegal minde deet. Anne 1796 isch dr britisch Afrikaforscher Mungo Park as ain vu dr erschte Europäer an dr Lauf vum Niger chuu. Syy Raisebricht Travels in the Interior of Africa giltet hite no as Klassiker. Anne 1805 het er in ere zwoote Expedition dr Lauf vum Niger zwische Bamako un Bussa im Nordweschte vu Nigeria befahre, wun er 1806 um s Läbe chuu isch. Erscht anne 1830 het e Expedition vu dr britische Brieder Richard un John Lander dr Verlauf vum Niger bis zue dr Mindig entdeckt. D Quälle vum Niger isch vu europäische Forscher erscht anne 1879 entdeckt wore, em Franzos Marius Moustier un em Schwyzer Josua Zweifel.
D Bumerang-Form vum Flusses erklere hitigi Geografe zmaischt mit ere Theori, wu dr Niger noch ere us zwai alte, mitenander verbundene Fliss bstoht. Dr obere Niger vu dr Quälle in dr Loma Mountains bis zum Nigerchnyy isch urspringlig in e hite uusdrecknete See gmindet, dr unter Niger isch dergege in dr Biel bi däm See entsprunge un isch no Side bis zum Golf vu Guinea gflosse. Wu d Sahara 4000–1000 vor Christus uusdrecknet isch, hän di beede Fliss ihre Verlauf gänderet un hän sich droffe.
Im obere Dail isch dr Niger mit chlainere Boot schiffbar, doderby stelle aber unter anderem Flusspferd e gwissi Gfohr dar. Ab Koulikoro, rund 60 Kilometer flussaabezues vu Bamako chaa dr Strom bis uf Lokoja, in dr Nechi vu dr Mindig vum Näbefluss Benue in dr Niger, mit greßere Boot un Schiff un au nume in dr Hochwasserzyt zwische Oktober un Jänner befahre wäre. Dur Versandig wäg dr Dinebilödig, wu zuenimmt, het sich d Schiffbarkait vum Niges am Nigerchnyy in dr letschte Johr verschlächteret.
Dr Name vum Fluss stammt wahrschyns vum latynische Wort fir schwarz (niger) as Fähldytig vum Wort vu dr Tuareg-Sproch ghir n-igheren (alem.: Fluss vu dr Fliss). Dr Name isch scho in ere Charte vum Claudius Ptolemäus fir e Fluss im Side vum Atlas-Gebirg brucht wore. Di weschtafrikanische Staate Niger un Nigeria sin noch em Fluss gnännt. Ihri Yywohner hän e großi Zahl vu verschidene Näme fir dr Fluss, dodrunter Joliba in dr Manding-Sproche un Isa Ber in Songhai. Baidi Werter bedyte große Fluss. In Mindigsnechi isch dr Niger au as Kworra oder Quorra bekannt gsii, voreb d Europäern im 19. Johrhundert gmerkt höän, dass ober Abschnitt, nit in dr Tschadsee un au nit in dr Nil mindet, derfir aber no Side zum scho bekannte Quorra chehrt.
D Durflussmämngi vum Niger isch iber 40 Johr lang (1952-92) z Malanville gmässe wore, ere Stadt z Benin, rund 1.100 Kilometer flussufezues vu dr Mindig. D z Malanville beobachtet mittler jehrlig Durflussmängi isch in däm Zytruum bi 1.053 m³/s gläge.
Dr Niger isch e seli große Fluss, aber au är fließt rägezytabhängig, wie di maischte Fliss in dr Region. Im Beobachtigszytruum vu 40 Johr isch e minimale Durfluss vu 18 m³/s (fascht ganz drucke), un e maximale Durfluss vu 2.726 m³/s beobachtet wore.
Di durschnittlig monetlig Durstremig vum Niger gmässe an dr
hydrologische Station vu Malanville (in m³/s)
(Berächnet mit dr Date vun eme Zytruum vu 40 Johr, 1952-92)
<timeline> Colors= id:lightgrey value:gray(0.8) id:darkgrey value:gray(0.3) id:sfondo value:rgb(1,1,1) id:barra value:rgb(0.6,0.8,0.9)
ImageSize = width:600 height:280 PlotArea = left:40 bottom:40 top:20 right:20 DateFormat = x.y Period = from:0 till:2000 TimeAxis = orientation:vertical AlignBars = justify ScaleMajor = gridcolor:lightgrey increment:500 start:0 ScaleMinor = gridcolor:lightgrey increment:250 start:0 BackgroundColors = canvas:sfondo
BarData= bar:Jan text:Jänner bar:Fév text:Februar bar:Mar text:Merz bar:Avr text:April bar:Mai text:Mai bar:Jun text:Juni bar:Jul text:Juli bar:Aoû text:Augschte bar:Sep text:Sept. bar:Oct text:Okt. bar:Nov text:Nov. bar:Déc text:Dez.
PlotData= color:barra width:30 align:left
bar:Jan from:0 till: 1661 bar:Fév from:0 till: 1401 bar:Mar from:0 till: 1410 bar:Avr from:0 till: 736 bar:Mai from:0 till: 308 bar:Jun from:0 till: 149 bar:Jul from:0 till: 204 bar:Aoû from:0 till: 788 bar:Sep from:0 till: 1559 bar:Oct from:0 till: 1575 bar:Nov from:0 till: 1403 bar:Déc from:0 till: 1544
PlotData= bar:Jan at: 1661 fontsize:S text: 1.661 shift:(-10,5) bar:Fév at: 1401 fontsize:S text: 1.401 shift:(-10,5) bar:Mar at: 1410 fontsize:S text: 1.410 shift:(-10,5) bar:Avr at: 736 fontsize:S text: 736 shift:(-10,5) bar:Mai at: 308 fontsize:S text: 308 shift:(-10,5) bar:Jun at: 149 fontsize:S text: 149 shift:(-10,5) bar:Jul at: 204 fontsize:S text: 204 shift:(-10,5) bar:Aoû at: 788 fontsize:S text: 788 shift:(-10,5) bar:Sep at: 1559 fontsize:S text: 1.559 shift:(-10,5) bar:Oct at: 1575 fontsize:S text: 1.575 shift:(-10,5) bar:Nov at: 1403 fontsize:S text: 1.403 shift:(-10,5) bar:Déc at: 1544 fontsize:S text: 1.544 shift:(-10,5)
</timeline>
D Niger Basin Authority (frz. Autorité du Bassin du Niger; NBA bzw. ABN) isch e intergovernmentali Organisation zum d Ressource vum Nigerbecki gmainsam z nutze un z ferdere.
