De Altstädter Ring ( /i, au „Altstädter Märt“) isch de zentrali Märtplatz vo de Prager Altstadt. Er nimmt me als 9000 m² ii.
S historische Rathus, d Teynchille, d Hussitechille St. Niklas i de Altstadt, s Palais Kinský, s Huus „Zur Stinerne Glocke“ und anderi sehenswerti Gebäude umgäbet de Platz. Inmitte vom Altstädter Ring staht s Dänkmal für de Jan Hus. I de Chäller vo de Hüser, wo dä Platz umgäbe, sind romanische und gotische Grundmure z finde. Dadruf stönd Renaissance-, Barock- und Rokokohüser.
Am 21. Juni 1621 sind am Altstädter Ring insgesamt 27 Teilnähmer vom Ständeufstand vo 1618 hiigrichtet worde.